Seatavern

’n Afrikaanse Musiekfees om Akkedis se 102 jaar te vier
Saterdag 24 Januarie 2026 | 13:00–18:00Flagstone Wine, Paardevlei (Strand)
Afrikaanse musiek, goeie wyn en ’n stewige dosis rock-’n-roll: so vier ons Akkedis se verjaarsdag met ’n unieke Afrikaanse musiekfees by Flagstone Wine in Paardevlei.

Die dag se program bring van die land se mees geliefde en invloedryke Afrikaanse kunstenaars saam:
Die Kaalkop Waarheid (DKW)
Die Kaalkop Waarheid is vir baie kenners die goue standaard van oorspronklike Afrikaanse folk. Die Pretoria-gebore groep bestaan uit Nardus du Plooy (liedjieskrywer), Christo Strauss (mandolien), Hanru Niemand (banjo), George Rautenbach (kitaar) en Christo Groenewald (kontrabas).Hul lied In My Lewe is reeds miljoene kere gestroom, en met SAMA-nominasies en jarelange sukses agter die rug, stoom DKW steeds voort—soos hul treffer Wegholtrein.
Churchil Naudé
Koos Kombuis beskryf Churchil as: “My gunsteling-rap-ster.”Churchil maak Afrikaanse rap koel—op ’n Kaapse manier. Hy bewys jy hoef nie soos Amerika te klink om kwaai te kletsrym nie; ons eie taal en styl is meer as genoeg.
Die Hoofdis: Akkedis
Arthur en Rudi, die Helderberg se bekendste tweeling sedert mense kan onthou, is sinoniem met Afrikaanse rock. Akkedis bring al dekades lank die ruk-en- rol—en dié fees is geen uitsondering nie. Hierdie keer vier ons hul 102 jaar saam met ’n behoorlike rock-verjaarsdag.
Hanru Niemand
Hanru Niemand is ’n veelsydige sanger-liedjieskrywer uit die Boland wat sedert 2003 stil-stil ’n kultus-aanhang opgebou het. Sy werk het oor byna twee dekades musiekfynproewers van die Kaap tot in die Noorde bekoor, en is selfs reeds in Fins en Russies vertaal vir internasionale gehore.
Die Hotel Henry
Die Hotel Henry is ’n nuwe alternatiewe Afrikaanse musiekprojek deur Henry Cloete, skrywer en musikant van Stellenbosch. In hierdie hotel is daar altyd plek vir teenpole: komedie en tragedie, drama en waansin, geterg en getob. Die Henry Hotel se musiek beweeg vrylik tussen liriese introspeksie en rou eerlikheid, en bied ’n unieke, verhalende klank wat perfek tuis is by ’n fees waar Afrikaanse musiek in al sy vorme gevier word.
Jackie & Riku Lätti van Die Wasgoedlyn
Jackie en Riku Lätti bring die gees van Die Wasgoedlyn na die verhoog. Riku is bekend vir liedjies soos Hoofstroom, Op die Maan en Smoorverlief, en het saam met Die Wasgoedlyn dosyne albums opgeneem. Die Wasgoedlyn bied ’n platform vir alternatiewe Afrikaanse musiek en verbind kunstenaars oor generasies—van David Kramer en Anton Goosen tot Koos Kombuis, Die Kaalkop Waarheid en Akkedis.
Wyn & Musiek
Die fees vind plaas by Flagstone Wine, waar wyn en musiek vanselfsprekend hand aan hand gaan.
Kom vier saam ’n verjaarsdag, ’n nalatenskap en Afrikaanse musiek op sy beste.

’n Afrikaanse Musiekfees met: Die Kaalkop Waarheid, Akkedis, Hanru Niemand, Henry Cloete en Jackie en Riku Lätti van Die Wasgoedlyn
Saterdag 24 Januarie 2026 van 1PM - 6PM
Die Kaalkop Waarheid (DKW) is almal wat weet se gunsteling oorspronklike Afrikaanse ‘folk’ band wat sy ontstaan in Pretoria het. Die lede bestaan uit Nardus du Plooy (liedjieskrywer), Christo Strauss (mandolien), Hanru Niemand (banjo), George Rautenbach (kitaar) en Christo Groenewald (kontrabas). Hul lied “In My Lewe” is al deur meer as miljoene geluister. SAMA nominasies en suksesse agter die blad is die groep al lank aan die gaan en stoom steeds voort soos hul treffer “Wegholtrein” die wye wêreld in.
Churchil Naudé: Koos Kombuis oor Churchil: “My gunsteling-rap-ster". Churchil Maak Afrikaanse rap koel, maar op ’n Kaapse manier in Afrikaans om almal te wys ons hoef nie soos Amerika te maak om kwaai te kletsrym nie, hulle moet liewer wys hulle is so koel soos ons!
Die Main Dis: Akkedis. Arthur en Rudi is seker die Helderberg se bekendste tweeling sedert die begin van geskiedenis. Akkedis is sinoniem met ruk en rol in Afrikaans. Maar op die 27ste Januarie gaan ons meer as net bietjie ruk en rol. Ons gaan baie ruk en rol, want hulle word ’n somtotaal van 102 jaar oud. So kom vier fees saam met ons.
Hanru Niemand is ’n veelsydige Afrikaanse sanger-liedjieskrywer afkomstig uit die Boland. Sedert 2003 het hy stil-stil vir homself naamgemaak onder musiekkenners en spog hy vir amper twee dekades reeds met ’n klein kultus- aanhang van musikale fynproewers wat strek van die Kaap tot die Noorde.
Van sy werke is ook al na Fins en Russies vertaal deur vooraanstaande vertalers vir die genot van oorsese gehore.
Die Wasgoedlyn se Jackie en Riku Lätti gaan ook optree. Saam met die Wasgoedlyn het Riku al dosyne albums opgeneem. Riku Lätti is bekend vir treffers soos Hoofstroom, Op die Maan en Smoorverlief. Met die Wasgoedlyn is Jackie en Riku bekend daarvoor dat hulle Alternatiewe Afrikaanse musiek ’n platform bied. Gaan luister gerus nou na die Wasgoedlyn daar is definitief honderde kunstenaars wat jy van sal hou op die Wasgoedlyn soos David Kramer, Anton Goosen, Piet Botha, Koos Kombuis en nou natuurlik ook Die Kaalkop Waarheid en Akkedis
Kom vier saam verjaarsdag by Flagstone Wine in Paardevlei/Strand
Wyn en musiek gaan hand aan hand

Vir kaartjienavrae: Kontak TixsaTelefoon: 012 880 26 35 | e-pos: support@tixsa.co.za Werksure:Maandag tot Vrydag: 9vm to 5 nm | Saterdae: 10vm to 2nm | Sondae: 10vm to 1nm | Publieke Vakansiedae: 10vm to 1nm