Seatavern

Die Woester Avontuur BraaiFees is ‘n braaikookkunservaring en alles wat gepaard gaan met braai – lekker musiek, lekker aktiwiteite, drankies en saam wees.
Die koservaring gaan alles uitbeeld wat braai lekker maak – of dit nou die Transvaalse pap en sous is, die Karoo se skaapsterte of die beste boereworsresep waarmee ons plaaslike slaghuise kan vorendag kom - jy gaan ’n feesmaal van braai ervaar.
Die fees strek oor 3 dae – 19, 20 en 21 Junie 2025 en word gehou by die pragmooi Karoo Woestyn Nasionale Botaniese tuine te Worcester, wat saam met Kirstenbosch Botaniese tuine een van die 10 Nasionale Botaniese tuine in Suid- Afrika is.
Hoekom ’n BRAAIFEES? Vuur en braaivleis is by uitstek deel van elke Suid- Afrikaner. Suid-Afrikaanse geskiedenis het diep wortels as dit kom by vuur en braaivleis – dit is multi-kultureel en die een ding wat ons reënboognasie in gemeen het - Ons BRAAI!
Hierdie fees het klomp elemente om seker te maak daar is iets vir elke besoeker om te doen oor die 3 dae.

Waarna kan jy uitsien?
Donderdagaand
Optrede van die Afrikaanse komediant Tollie Parton – Wyn vir die Pyn (Netwerk 24 se Smaakmaker vir 2025).
Hier gaan 350 kaartjies beskikbaar wees wat ’n ligte aandete gaan insluit. Alkoholiese verversings gaan bedien word.

Vrydagaand
Die tema van die aand is dans, kuier en ontspan. Die fees is die naweek voor die skool sluit. Tydens die fees, behoort alle eksamens verby te wees en gesinne, veral die met skoolgaande kinders, gaan die aand kan gebruik om te ontspan na ’n besige tweede kwartaal.

Die Silent Disco wat ingehuur word vanaf Kaapstad gaan die aand alleenlik vir kinders tussen 9 en 12 beskikbaar wees. 250 kaartjies is te koop vir hierdie lekker tween aktiwiteit. Kos en koeldranke sal beskikbaar gestel word.
’n Tradisionele tienersokkie vir 13 – 16 jariges gaan gehou word in die saal waar 300 kinders kan dans tot 22:00. Kos en koeldranke sal beskikbaar gestel word.
Terwyl die kinders dans, kan ouers uitsien na groot vure waar ’n verskeidenheid van vleise gebraai word en ’n verhoog waar groot Afrikaanse kunstenaars musiek maak. Hierdie aand is waar almal na ’n lang week se werk, bymekaar kan kom en net kuier en ontspan. Vir die wat wil, kan hulle lekker langarm op die dansvloer wat op die grasperk gebou gaan word.

Saterdag

5 km gesin stap/wedloop.
10km en 25km wedloop.
’n Aangewese spasie vir alle craft alkoholiese verversings – wyne, gin en bier word uitgesit waar ’n musikant sal sorg vir lekker atmosfeer. Hier gaan feesgangers kan proe en ook drank koop en geniet. Verskeidenheid kosse gaan beskikbaar wees.
Aktiwiteite wat deur die dag geniet kan word is: ‘n Silent Disco en die pragtige grasperke gaan gebruik word vir buitelugspeletjies (lawn games). Terwyl mense na die musiek op die hoof verhoog luister en die lekker reuke van die braaivleis ruik, kan hulle ou tradisionele buitelugspeletjies speel soos Boules, Croquet, Ring Toss en vele meer.
Ons braaifees gaan ’n kosbelewenis en ervaring wees met verskillende worse – tradisionele boerewors en plaaslike salami worse wat bedien word met ’n verskeidenheid van mostertopsies. Ons vleissnitte gaan ook ’n wye verskeidenheid dek nie net in snit nie, maar in tipe vleis – bees, vark, hoender en dan ’n reeks wildsvleise. Ons bydisse, wat natuurlik deel van ’n lekker braaivleis is, gaan ook aangebied word met ‘n goumet twist. Ons almal soek inspirasie as dit kom by braaivleis. Die idee hier is om geïnspireerd weg te stap met nuwe idees en smake as dit kom by braai.
Kunstenaars: Ons het groot name in die industrie wat kom optree soos Jay, Armand Steenkamp, Retief Viljoen, Herman Kleynhans en dan baie plaaslike kunstenaars wat besig is om name vir hulself te maak soos Rio Bezuidenhout, Anja en Plattelandse donkie.
Verskeidenheid stalletjies gaan beskikbaar wees.

KOM IN KONTAK
012 880 2635
support@tixsa.co.za
WERKURE
Kaartjieverkope Ondersteuning:

Maandag - Vrydag: 09:00 - 17:00
Saterdae: 10:00 - 14:00
Sondae: 10:00 - 13:00
Openbare Vakansiedae: 10:00 - 13:00